Ministria e Shëndetësisë ka bërë publike shifrat e orëve të fundit lidhur me pandeminë e COVID-19. Vendi ynë ka shënuar një rritje të ndjeshme të rasteve të reja me koronavirus në 24 orët e fundit. Nga 3025 testime të kryera në të gjithë territorin e vendit, kanë rezultuar pozitivë 47 persona, teksa ditën e djeshme ishin 30. Fatmirësish nuk raportohet asnjë humbje jete, ndërsa në spitalin infektiv janë 18 pacientë të shtruar kurse aktivë me COVId-19 në gjithë territorin janë 355 pacientë.
Lajm i mirë është se betejën me virusin e rrezikshëm e kanë fituar 13 pacientë. Gjithashtu Ministria e Shëndetësisë, iu ka bërë thirrje qytetarëve që të vaksinohen dhe të zbatojnë me përpikmëri të gjitha masat e vendosura anti-COVID.
Njoftimi nga Ministria e Shëndetësisë
Ministria e Shëndetësisë i bën apel qytetarëve të vaksinohen ndaj Covid19, për të mbrojtur veten dhe njerëzit e afërt dhe për të frenuar përhapjen e virusit të rrezikshëm.
Vaksinat anticovid reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Nëse dyshoni se jeni i prekur nga Covid19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon:
Janë kryer 3025 testime, nga të cilat kanë rezultuar pozitivë me Covid19, 47 qytetarë, në këto bashki: 19 raste në Tiranë, 6 në Elbasan, 5 në Kuçovë, 4 në Pogradec, 3 në Lezhë, 2 në Korçë, nga 1 rast në Shkodër, Durrës, Kukës, Kavajë, Lushnje, Sarandë, Delvinë, Poliçan.
Aktualisht janë 355 pacientë aktivë me COVID19 në të gjithë vendin.
Në Spitalin Infektiv po marrin trajtim spitalor të specializuar 18 pacientë.
Në 24 orët e fundit nuk ka asnjë humbje jete me Sars-Cov2 pozitiv.
Janë shëruar 13 qytetarë gjatë 24 orëve të fundit, duke e çuar numrin e të shëruarve në 130,187 që nga fillimi i epidemisë.
Statistika (29 Korrik 2021)
Raste të reja ditore 47
Të shëruar në 24 orë 13
Të shtruar në spitale 18
Humbje jete në 24 orë 0
Testime ditore 3025
Testime totale 892,069
Raste pozitive 132,999
Raste të shëruara 130,187
Raste Aktive 355
Humbje jete 2,457
Shpërndarja gjeografike e rasteve aktive sipas qarqeve:
Tiranë 131
Elbasan 51
Kukës 33
Lezhë 33
Vlorë 29
Fier 17
Korçë 16
Durrës 15
Shkodër 12
Berat 14
Gjirokastër 4
