Një aksident i rëndë ka ndodhur pasditën e sotme në Trebsiht të Bulqizës.
Një automjet rreth orën 17:00 ka rënë disa metra poshtë rrugës, ku si pasojë ka humbur jetën një 17-vjeçar.
Adoleshenti ka ndërruar jetë në vend, ndërsa 20-vjeçari është dërguar në spital për të marrë ndihmën e nevojshme mjekësore.
20 vjeçari është dëmtuar rëndë dhe po merr ndihmë mjekësore në spitalin e Peshkopisë.
Mësohet se viktimë ka mbetur 17-vjeçari Florian Pupuleku, pasagjer në mjet, ndërsa i plagosur rëndë ka mbetur shoferi 20-vjeçar E.T.
Grupi hetimor ndodhet në vendin e ngjarjes, vijojnë hetimet për zbardhjen e shkaqeve të aksidentit.
Vlen të theksohet se muaji dhjetor historikisht ka shënuar numër të lartë aksidentesh rrugore.
Aksidentet rrugore janë shpjeguar me kthimin e emigrantëve në Shqipëri për të festuar festat e fundvitit. Por ndërkohë që kthehen në atdhe, shumica e emigrantëve e gjejnë veten duke “deliruar” dhe kjo ndikon edhe tek timoni i makinës që ngasin.
Njoftimi i Policisë së Shtetit:
Bulqizë/ Informacion paraprak
Rreth orës 17.00, në Trebisht, Bulqizë ka rënë disa metra poshtë rrugës një automjet dhe për pasojë dyshohet se ka humbur jetën shtetasi F. P., 17 vjeç, dhe është dëmtuar rëndë shtetasi E. T., 20 vjeç, i cili po merr ndihmë mjekësore në spital.
Grupi hetimor ndodhet në vendin e ngjarjes, vijojnë hetimet për zbardhjen e shkaqeve të aksidentit.
