Një 60-vjeçar ka humbur jetën në Tiranë, pasi ra në një gropë me ujë brenda një pallati në ndërtim.
Ngjarja ka ndodhur në rrugën “Haxhi H. Dalliu”, ku dyshohet se ai ka rënë aksidentalisht në një gropë të thellë me ujë, ndërkohë që ndodhej në një ndërtim ende të papërfunduar.
Njoftimi:
Në rrugën “Haxhi H Dalliu” në një pallat ende të papërfunduar, dyshohet se aksidentalisht ka rënë në një gropë me ujë dhe për pasojë ka humbur jetën një shtetas ende i paidentifikuar, rreth 60 vjeç.
Grupi hetimor ndodhet në vendngjarje dhe po punon për identifikimin e tij dhe për sqarimin e rrethanave të ngjarjes.
Materialet procedurale iu referuan Prokurorisë së Tiranës, për veprime të mëtejshme.
