Bie dëbora e parë për këtë vit në vendin tonë. Autoriteti Rrugor Shqiptar (ARRSH) ka njoftuar se dëbora ka rënë në Qafë Thore dhe se mjetet borëpastruese janë në terren që mos të bllokohet qarkullimi në këtë aks rrugor.
Mësohet se rruga është lehtësisht e kalueshmme dhe se nuk ka pasur probleme në qarkullim.
Dëbora e parë për këtë viti filloi në Qafë Thore. Kjo u bë e ditur nga Autoritet Rrugor Shqiptar përmes një postimi në “Facebook”, ku thotë se kjo dëborë na fton në sezonin dimëror.
Njoftimi i plotë i ARRSH-së:
“Dëbora e parë për këtë vit filloi në Qafë Thore duke na ftuar në sezonin dimëror. Grupet e punës me mjetet borëpastruese janë në terren për ta mbajtur hapur dhe lehtësisht të kalueshëm këtë aks, për banorët e zonës por dhe për turistët alpinë që zgjedhin të vizitojnë këtë zonë turistike. Rruga është e hapur dhe qarkullimi kryhet pa probleme”.
