Seanca e sotme në Parlament ka nisur ndryshe dhe kjo sepse nuk janë betuar vetëm deputetët e rinj të opozitës, por edhe ata të mazhorancës.
Në Parlament kanë kaluar tashmë emrat e deputetëve të cilat janë miratuar nga Komisioni Qendror i Zgjedhjeve të cilët janë:
Nga radhët e PDs-ë- Halil Valteri ,Selami Jenisheri, Besnik Troplini
Nga radhët e LSI-së- Vasil Sterjovski, Edmond Stojku, Suzana Topi
Mirëpo nuk mbaron me kaq, pasi janë betuar edhe 4 deputetë të rinj socialist, vendet e të cilëve kanë mbetur bosh pasi janë kandiduar si kryetar bashkie.
Seancën e sotme janë zyrtarizuar dhe kanë pranuar mandatin Eljo Hysko i cili merr mandatin e Rakip Sulit që kandidon për Bashkinë e Kamzës, Adriana Jaku zë vendin e lënë bosh nga Pjerin Ndreu, të cilit PS i ka besuar Bashkinë e Lezhës.
Po ashtu si deputet i ri në Kuvend u betua sot edhe Florenc Spaho i cili merr mandatin e Nuri Belbës që kandidon në Prrenjas, si edhe Ardit Konomi merr mandatin e Ilir Xhakollit, i cili më 30 qershor do të kandidojë për Bashkinë e Pogradecit.
