Portieri i Kombëtares Shqiptare të futbollit dhe njëkohësisht lojtar i klubit italian, Lazio, ka rezultuar të jetë pozitiv me COVID-19 pas bërjes së analizave dhe tamponit.
Por kjo gjë i ka hapur atij probleme, në një kohë që ekipi italian është futur në kaos pikërisht për këtë çështje.
Tamponët janë kthyer në çështjen më shqetësuese në klubin e Lazios, mbi të gjitha pasi kjo tashmë ka kaluar në duart e prokurorisë.
Immobile, Lucas Leiva dhe Thomas Strakosha, nuk u lejuan nga UEFA të udhëtonin në Kiev, në ndeshjen e vlefshme për xhiron e trete në fazën e grupeve, pasi kishte dyshime të forta mbi vërtetësinë e tamponëve.
Në Itali nisi një hetim ndërsa ritestimi i tamponëve ka nxjerr një përfundim që mund t’i hap telashe ekipit lacial.
Mbrëmjen e së martës kanë dalë përgjigjet e ritestimeve që iu nënshtruan të tre lojtarët më 6 nëntor përpara ndeshjes kundër Juves.
Immobile dhe Lucas Leiva dolën sërish negativ, ndërsa Thomas Strakosha pozitiv. Klubi lacial dhe laboratori “Futura Diagnostica” akuzohen se kanë manipuluar rezultatet e analizave për COVID-19 të lojtarëve të Lacios.
/GazetaReforma.com/
