Kryetari i Partisë Demokratike, Sali Berisha, ka komentuar sanksionin “non-grata” të vendosur ndaj tij nga SHBA, duke rrëfyer një ngjarje pas shpalljes së këtij vendimi.
Në një dalje televizive, Berisha ka deklaruar se pas shpalljes së sanksionit, ish-ambasadorja e SHBA në Shqipëri, Yuri Kim, ka kërkuar një takim me ambasadorët e vendeve të mëdha të akredituar në Tiranë, duke kërkuar solidaritet për vendimin e marrë.
Megjithatë, ai theksoi se ambasadori i Gjermanisë kishte refuzuar kërkesën e Kim, duke i thënë asaj se “nuk solidarizoheshin” me vendimin e SHBA, pasi nuk kishin asnjë fakt për Sali Berishën. Ambasadori gjerman, sipas Berishës, kishte theksuar se ky vendim ishte marrë për të ndihmuar qeverinë shqiptare dhe se nuk ishte një çështje që kishte lidhje me drejtësinë apo fakte të vërteta kundër tij.
