Kreu i Partisë Demokratike, Sali Berisha, pas lirimit nga arresti shtëpiak, ka ftuar kryeministrin Edi Rama të marrë pjesë në një debat televiziv.
Gjatë deklaratës së tij për gazetarët, Berisha theksoi se kryeministri është i trembur dhe nuk guxon të dalë përballë tij në një debat të hapur, duke shtuar se Rama ka frikë nga dritarja, dhe jo nga fushat e betejës.
“Ai tmerrohej nga dritarja, imagjinoje vetë taninë fushë. Nuk del dot ai. Të vijë nesër në debat po ja mbajti. Ai tmerrohej nga dritarja. Ai pse e mori atë masë? Që të më heshte dhe pastaj mbante fjalime kushtuar dritareve. Të vijë dhe të dalim në debat që t’i tregojë shqiptarëve se çfarë përfaqëson ai, të ja nxjerr të gjithë një e nga një, të ja numëroj të gjitha krimet dhe lidhjet me krimin që ka, të gjithë vjedhjet e mëdha që ka bërë.”, tha Berisha.
