Kreu i Partisë Demokratike, Sali Berisha, pas vizitës në burg të ish-deputetit Ervin Salianji, theksoi se ai po vuante dënimin pasi i shërbeu vendit duke denoncuar klanin më të rrezikshëm të trafiqeve në Shqipëri, atë të Geron Xhafajt, dhe se Agron Xhafaj drejtonte trafiqet nga Vlorë në drejtim të Italisë.
Berisha theksoi se çështja Salianji tashmë është ndërkombëtare dhe Shqipëria është damkosur si vendi i të burgosurve politikë.
Ai shtoi se drejtësia është bërë një mjet politik dhe se PD ka marrë si mision përmbysjen e një “diktature të dytë” në Shqipëri.
