Shpallaja “non grata” e ish-kryeministrit Sali Berisha, ka tronditur djë politikën shqiptare. Qëndrimi i Sekretarit Blinken ishte shumë i fortë, por në atë deklaratë ai e bën të qartë se kjo histori nuk mbyllet me kaq, pasi pas Berishës do e kenë radhën emra të tjerë. Ky vendim ka ngjallur shumë reagime si jashtë dhe brenda vendit. Së fundmi ka reaguar edhe ish-ambasadori amerikan Aleksander Arvizu, mbi vendimin e DASH për t’i ndaluar hyrjen në Shtetet e Bashkuara, ish-kryeministrit Sali Berisha.
Ish-kryediplomati tha se vendimi ishte një bombë për politikën shqiptare.
“Vendimi ishte një bombë për politikën shqiptare”, tha Arvizu shkurtimisht për MCN
Në reagimin zyrtar DASH-i deklaroi se Berisha, në cilësinë e Kryeministrit të Shqipërisë, ka qenë i përfshirë në “veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij”.
Ndërkohë nga ana tjetër Berisha i është përgjigjur edhe dje kësaj deklarate nga Blinken duke theksuar se në 30 vite karrierë në politikë nuk ishte akuzuar asnjëherë për korrupsion. Kujtojmë se Departamenti Amerikan i Shtetit ka shpallur “non grat”, ish-kryeministrin e Shqipërisë Sali Berisha. Lajmi bëhet i ditur nga Sekretari Amerikan i Shteti, Antony Blinken, i cili shkruan në një mesazh në “tëitter” se Berisha dhe familja e tij janë shpallur zyrtarisht të papërshtatshëm, ndaj dhe ju ndalohet hyrja në SHBA.
“Akte korrupsioni të ish-Presidentit të Shqipërisë, Sali Berisha, minojnë demokracinë në Shqipëri. Unë shpall publikisht Sali Berishën dhe anëtarët e familjes së tij si të papërshtatshëm për hyrjen në Shtetet e Bashkuara. Ne mbetemi bashkë kundër korrupsionit me partnerët tanë në Shqipëri”, shkruan Sekretari Amerikan i Shtetit
