Berisha tha se 6 kandidatët e dalë dje nga zgjedhjet e Primareve do të mbështeten edhe nga LSI, teksa ka konfirmuar sot koalicionin me LSI-në. Menjëherë pas shpalljes nga ish-kryeministri Sali Berisha të koalicionit me LSI-në në zgjedhjet e pjesshme vendore në 6 bashkitë, ka reaguar PD. Në një reagim zyrtar PD shprehet se ky koalicion “non-grata” nuk do të mbajë Shqipërinë në vendnumëro.
PD:
Sali Berisha ka vetëm një garë, atë për të dëmtuar Partinë Demokratike. Koalicioni non grata nuk do ta mbajë Shqipërinë në vendnumëro, hallet e Berishës, Ramës dhe Metës, nuk janë hallet e shqiptarëve. Zgjedh Ramën, mban Berishën dhe Metën. Zgjedh Berishën dhe Metën, mban Ramën.
Berisha:
Ne e konsiderojmë të konfiskuar logon dhe qëllimi më madhor ishte që ne mos të merrnim pjesë në këto zgjedhje. Ne marrim pjesë sepse bojkoti nuk ëstë opsion për ne. Sigurisht që do ketë marrëveshje me një koalicion përputhje me ligjin, dhe në atë marrëveshje do të paraqitet dhe logoja që çdo shqiptar e ka të qartë që logon tonë e ka konfiskuar Edi Rama dhe nuk i pengon që ta shohin të shkruar në ballin e këtyre zotërinjve dhe mbështetësve të partisë. Lulzim Basha është peng i Edvin Ramës dhe natyrisht siç blindoi në mënyrën më skandaloze selinë e PD-së, siç mori për mbrojtje vrasës trafikant dhe bandit ai vazhdon të zbatojë porositë e tij, por unë kam besim të anëtarët e PD-së që do ti përgjigjen këtyre qëllimeve të peng Bashës me injorim të plotë dhe total dhe do të votojnë së bashkë për kandidatët e votës së lirë, dinjitetit qyteti. LSI është padiskutim është pjesë e këtij koalicioni, ne po shohim modalitetet. Po negociojmë dhe me parti të tjera. Koalicioni do quhet “Shtëpia e Lirisë”.
