Ditën e sotme Berisha ka dalur në një konferencë për mediat teksa ndodhemi një ditë para protestës së paralajmëruar nga opozita. Berisha ftoi të gjithë shqiptarët dhe aleatët e opozitës të marrin pjesë në protestën e thirrur nga PD, nesër 12 nëntor.
Por përjashtoi të vetmin, ish-kreun e Partisë Demokratike, Lulzim Bashën, për të cilin u shpreh se mbi të rëndojnë disa akuza për të cilat ai nuk ka dhënë asnjë shpjegim.
“Detyrat janë të ndara, unë kam fjalimin, bashkëpunëtorët e tjerë kanë skenarin, të tjerë kanë himnin.
Do ketë risira, ka nga të gjitha aspektet.
…Të gjithë mund të vijnë në protestë, përveç Lulzim Bashës, që duhet të sqarojë akuzën e tmerrshme.
Të tjerët janë anëtarë të PD, nuk mund të marrin leje te unë që të protestojnë.
Basha ka një akuzë të tmerrshme, ka deklaruar se nuk është e vërtetë, nuk ka dhënë asnjë fakt, asnjë provë për ato akuza që ekzistojnë aty.
Hetimi këtu nga selia po vazhdon.
Kështu që mendoj se është shumë i detyruar të zbardhë, të ketë burrëri, të tregojë edhe nëse i takon të hyjë brenda, ose të shpallet i penduari i drejtësisë, dhe fiton lehtësira.
Por të tregojë të vërtetën”, deklaroi kreu i Partisë Demokratike, Sali Berisha.
