Ish-kreministri Sali Berisha u shpall sot person i padëshirueshëm ne SHBA së bashku me familjen e tij. Lajmin e dha Sekretari Amerikan i Shtetit, Anthony Blinken me anë të një postimi në Tëitter. Lidhur me këtë ka reaguar edhe ambasadorja amerikane në Shqipëri, Yuri Kim e cila ka shpërndarë qëndrimin e Blinken po në Tëitter.
Kim nuk ka bërë komente të tjera, veç deklaratës së DASH që e ka shpërndarë në profilin e saj.
Në deklaratën e DASH thuhej se “në cilësinë e tij zyrtare si Kryeministër i Shqipërisë në veçanti, Berisha ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike, duke përfshirë përdorimin e pushtetit të tij për përfitimet e tij dhe për të pasuruar aleatët e tij politikë dhe anëtarët e familjes së tij në shpenzimet e besimit të publikut shqiptar në institucionet e tyre qeveritare dhe zyrtarët publikë. Për më tepër, retorika e tij tregon se ai është i gatshëm të mbrojë veten, anëtarët e familjes së tij dhe aleatët e tij politikë në kurriz të hetimeve të pavarura, përpjekjeve antikorrupsion dhe masave të përgjegjësisë. Me këtë përcaktim, unë po rikonfirmoj nevojën për llogaridhënie dhe transparencë në institucionet demokratike të Shqipërisë, proceset qeveritare dhe veprimet e zyrtarëve publikë shqiptarë”.
Nuk ka pasur ende një reagim nga ana e Berishës lidhur me këtë vendim.
