Kryetari i Partisë Demokratike, Sali Berisha, njoftoi se opozita do të organizojë një protestë kombëtare më 8 shkurt.
Ai theksoi se detajet dhe ora e protestës do të njoftohen së shpejti, por shtoi se e shtuna është dita kur shqiptarët do të mblidhen në Tiranë, ndërsa qyteti do të mbushet me njerëz në sheshe dhe rrugë.
“Çdo ditë që kalon me këtë kryekriminel është ndëshkim për çdo qytetar shqiptar, PD e cila prej kohësh ka shpallur mos-bindje civile si rrugën e vetme të qëndrimit ndaj kësaj qeverie, më 8 shkurt fton në protestën më të madhe kombëtare që ka njohur Shqipëria”, tha Berisha.
