Ish-kryeministri, Sali Berisha ka njoftuar foltoren e radhës që do mbaj me demokratët. Berisha ka vendosur që ta mbajë ditën e mërkurë, në orën 18 në qytetin e Durrësit.
Ish-kryeministri e ka njoftuar me anë të një postimi në rrjetet sociale, për takimin i cili do të zhvillohet në Pallatin e Kulturës Aleksandër Moisiu në Durrës. Berisha ka ftuar të gjithë demokratet dhe demokratët e Durrësit që të marrin pjesë, pasi sipas tij vetëm të bashkuar mund të fitojmë.
Postimi i Sali Berishës:
Njoftim!
Diten e merkure me daten 29 shtator ne ora 18:00 ne sallen e Pallatit te Kultures Aleksander Moisiu ne Durres do mbahet “Foltorja: Per nje Parti Demokratike me te bashkuar, me te forte, me te hapur”.
Ftoj demokratet dhe demokratët e Durresit te marrin pjese. Vetem te bashkuar fitojme! sb
Kujtojmë se ish-Presidenti dhe kryeministri Sali Berisha, pas përjashtimit nga grupi parlamentar i PD, ka ndërmarrë një aksion politik për rikthimin e dinjitetit të PD siç e quan ai.
Në këto takime, ai akuzon se kreu aktual i PD, Lulzim Basha, ka bërë pazare me kryeministrin Edi Rama për përjashtimin e tij. Berisha zotohet se nuk do të ndalet deri sa të mbledhë 1.500 firmat e anëtarësisë për të mbledhur Kuvendin e PD dhe për të shfuqizuar vendimin e dhënë ndaj tij.
