Sali Berisha ka akuzuar Drejtorin e Përgjithshëm të Top Channel, Ben Blushin, se po ndërton pa leje në fshatin Dardhë të Korçës.
Ai ka postuar denoncimin e një qytetari në Facebook, ku ka publikuar një video që e shoqëron me mbishkrimin se Blushi ka zaptuar pa dokumenta mbi 1000 m2 tokë në fshatin Dardhë dhe po ndërton pa leje një tjetër godinë.
https://www.facebook.com/SaliBerisha/videos/924492274666710/
Por, sipas Ajsbergu.com e vërteta është ndryshe, pasi raporton se Ben Blushi dhe bashkëshortja e tij kanë aplikuar për leje në Bashkinë e Korçës, për të ndërtuar një lulishte.
Leja është firmosur nga kryebashkiaku Sotiraq Filo në 23 prill 2020 dhe sipas planimetrisë shihet fare qartë që bëhet fjalë për ndërtimin e një lulishte me pemë dekorative, riparimi i mureve etj.
Madje, lulishten ai po e zhvillon në tokën që vetë Blushi ka blerë, pasi rezulton të jetë pronar i këtij trualli me çertifikatë pronësie.
Toka ku po ndërtohet lulishtja është 250 m2, në pronësi të familjes Blushi dhe jo 1000 m2 siç pretendohet në akuzat e Berishës
