Një 37-vjeçar shqiptar mbeti i plagosur mbrëmjen e djeshme në Itali.
Mediat italiane bëjnë me dije se konflikti u regjistrua në një lokal nate në Pontecurone.
Shqiptari u përfshi në sherr me pronarin e lokalit 58 vjeç.
Identiteti i shqiptarit dhe autorit të plagosjes nuk janë identifikuar ende.
Sipas dëshmitarëve okularë, ishte pronari i lokalit që plagosi shqiptarin.
Policia italiane arrestoi pak çaste më vonë pronarin e lokalit në afërsi të një supermarketi.
Ai u shoqërua në polici, ku rrëfeu krimin dhe tregoi se armën e kishte hedhur pranë një hekurudhe.
Shqiptari i plagosur ndërkohë është jashtë rrezikut për jetën.
