Ditën e sotme policia ka njoftuar se ka arrestuar një 39-vjeçar nga Shijaku, i cili bënte thirrje raciste në rrjetin social “Facebook” për vrasjen e hebrenjve.
Ai shprehej: “Hebrenjtë duhen vrarë dhe nuk meritojnë të jetojnë.”
Këto thirrje, të cilësuara si terroriste datojnë që nga viti 2017.
Përveç të tjerash në Facebook ai përdorte kamuflimin “Bardhi Guza”.
Dyshohet se Guza mund të kishte qenë luftëtar jashtë vendit, por kjo nuk është vërtetuar.
Ai është babai i dy fëmijëve të mitur.
Ndaj tij, rëndojnë akuzat penale si” “Nxitja, thirrja pubike dhe propaganda për kryerjen e veprave terroriste” dhe “Nxitje të urrejtjes ose grindjes”.
Bazuar në këto shkelje, 39- vjeçari , banues në fshatin Koxhaj, Shijak është vënë në pranga nga Drejtoria e Antiterrorit përgjatë një hetimi disamujor të nisur në janar të 2020-tës.
Për këtë shtetas Gjykata e Shkallës së Parë Durrës ka caktuar masën e sigurisë “Arrest me burg”.
