Autoritetet italiane kanë shkatërruar një grup shpërndarësish kokaine.
Banda përbëhej nga italianë dhe shqiptarë.
Sipas mediave italiane, në kuadër të operacionit janë arrestuar 9 persona.
Hetimet ndaj grupit janë kryer nga Prokuroria e Piacenzas,në bashkëpunim me karabinierët, nga periudha qershor 2018 deri në shkurt të 2019-ës.
Dy italianët janë vendosur në arrest shtëpie, ndërsa 7 shqiptarët kanë përfunduar në burg.
Të arrestuarit bënin jetë luksoze dhe kishin kryer transferta parash të shumave të mëdha, të cilat ridhnin nga aktiviteti i paligjshëm.
Grupi ndërkohë, kontrollonte tregun e kokainës në të gjithë zonën e Piacenzas.
Autoritetet zbuluan, se droga u shitej edhe moshave të reja.
Artikullin origjinal mund ta lexoni këtu.
