Sot mbahet seanca e radhës në Gjykatën Administrative për Fredi Belerin. Ish-kryebashkiaku i zgjedhur i Himarës, Fredi Beleri kërkon të pezullojë dekretin e presidentit Bajram Begaj për shpalljen e zgjedhjeve për bashkinë e Himarës më 4 gusht. Në seancë sot me Belerin është edhe avokatja e tij, Klodiana Gjyzari.
“Presidenti caktoi një datë pa skaduar afati që Fredi Beleri të ankimoi vendimin e KQZ, ka të drejtë deri më 5 gusht ora 16:00,”-bëri me dije ajo në nisje të seancës.
Më 5 korrik, Presidenti Bajram Begaj dekretoi 4 gushtin si datë për zgjedhjet e reja në Himarë.
