Detaje të reja kanë ardhur për grabitësit e Rinasit dhe tashmë policia është duke realizuar survejime në terren, para se të nis aksionin e programuar ditën e sotme.
Nga ajo që bëhet e ditur, Policia e Shtetit do të nisë një aksion në fshatrat e Krujës, në kërkim të autorëce dhe deri më tani janë kontrolluar disa fshatra në zonën e Fushë- Krujës, të cilët ndodhen afër me aeroportin.
Policia ka marrë informata se grabitësit mund të fshihen pikërisht në këto fshatra, mirëpo ende nuk është përjashtuar edhe mundësia e lëvizjes së tyre në qytete të tjera të vendit.
Deri tani tre persona të identifikuar me emër, mbiemër dhe pamje, ku personi i tretë mësohet të jetë Aleks Pepa, i cili gjithashtu ka qenë i pranishëm në aksionin e blindave të ndodhur në vitin 2017.
Pas identifikimit, policia ka mbledhur të dhëna dhe ka mësuar se asnjëri prej tyre nuk është larguar jashtë vendit, por kanë jetuar gjithë kohës këtu edhe pse skanë rënë asnjëherë gjurmët e tyre.
Për më tepër mësohet se njëri prej tyre, Klement Çela jetonte në Durrës që prej dy vitesh.
