Presidenti Bajram Begaj ka dekretuar emërimin në detyrë të Ilir Xhebexhias, si Komandat të Forcës Tokësore. Pas propozimit të bërë nga Ministria e Mbrojtjes, Begaj më 13 prill ka dekretuar emërimin e tij me dekret të menjëhershëm. Por emri i gjeneralit nuk është i panjohur për drejtësinë, pasi ka qenë komandant i Forcës Detare deri 5 janar 2022. Madje është i paditur së bashku me presidentin për çështjen e pronave të Ushtrisë në zonën e Shëngjinit, e për të hetimi ka nisur që në vitin 2021.
Pas nisjes së hetimeit ka kaluar si Komandat i Komandës Logjistike e tashmë është emëruar si komandant i Forcës Tokësore. Por edhe pse nën hetim për shpërndorim detyre dhe pa një vendim final nga Gjykata e Posaçme kundër Korrupsionit dhe Krimit të Organizuar, atij i është besuar një tjetër detyrë që që do ta kalojë në gradën gjeneral major (me dy yje), përveç postit të ri që i është besuar dhënë nga Begaj.
D E K R E T
PËR EMËRIMIN NË DETYRË TË KOMANDANTIT TË FORCËS TOKËSORE
Në mbështetje të nenit 93 dhe nenit 169, pika 3, të Kushtetutës, nenit 9, pika 3, shkronja “c”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, të ndryshuar, me propozim të Ministrit të Mbrojtjes,
D E K R E T O J :
Neni 1
Gjeneral Brigade Ilir Hasan Xhebexhia, emërohet në detyrë “Komandant i Forcës Tokësore”.
Neni 2
Ky dekret hyn në fuqi menjëherë.
Çfarë po ndodh me pronat e ushtrisë?
Ish-zëvendëskomandanti i flotës detare Artur Meçollari ka bërë një kallëzim penal për ndërtimet që janë bërë brenda bazës ushtarake të Shëngjinit. Ish-zëvendës- shefi i forcave detare, ka akuzuar në mars të 2021 të gjithë zyrtarët e lartë, përfshirë edhe ish-ministren e Mbrojtjes aso kohe, Olta Xhaçka, presidentin Begaj (asokohe pjesë e FA-ve) dhe disa ushatrakë të tjerë. Denoncimi nga ana e Meçollarit u bë për dy prona, një në Shëngjin dhe një në Sarandë të cilat sipas tij janë dhënë pa leje i janë dhënë privatit. Pasi SPAK ka verifikuar këto të dhëna ka marrë në pyetje dhe ka nisur hetimet nga SPAK. Madje janë thirrur disa herë për t’u marrë në pyetje nga hetuesit e Prokurorisë së Posaçme.
