Ditën e sotme nisi numërimi për kandidatët politikë, pas përfundimit të numërimit të subjekteve politike në të gjitha qarqet e vendit. Numërimi i votave për kandidatët është një risi për vendin tonë. Ky proces është duke vijuar momentalisht edhe në Bashkinë Kamzë, pjesë e Qarkut të Tiranës. Ajo që bie në sy deri në këto momente është rezultati, ku Elisa Spiropali, kandidate e PS në këtë bashki, ka siguruar deri më tani 1.138 vota. Ajo ka lënë pas në këtë renditje, ish-kryeministrin Sali Berisha i cili ka grumbulluar 107 vota, liderin aktual të PD, Lulzim Bashës i cili ka 206 vota dhe kandidatin e PD në këtë zonë, Flamur Nokën, i cili ka marrë 370 vota.
Renditja Bashkia e Kamzës:
Lulzim Basha 206 vota
Sali Berisha 107 vota
Flamur Noka 370 vota
Elisa Spiropali 1138
Kujtojmë se pak minuta më parë Celibashi ka deklaruar se për 37 VNV ka përfunduar procesi i numërimit të fletëve të votimit për kandidatët e zgjedhjeve të 25 prillit. Ai thotë se drejt përfundimit janë edhe 14 VNV, teksa thekson se ka pasur problematika në disa prej tyre për shkak se anëtarë të grupeve të numërimit dhe komisionerë nuk kanë ndjekur rregullat.
Ai fton kandidatët të ndihen të qetë, sepse nuk do të lejohet asnjë tentativë për të kaluar votat nga një kandidat apo tjetër pasi KQZ ka të gjitha pamjet filmike tashmë. Kreu i KQZ-së, Ilirjan Celibashi në një deklaratë për mediat ka thënë se pjesëmarrja në zgjedhje është 46.32%. Kreu i KQZ-së ka theksua se pjesëmarrja e grave ka qenë e lartë, gjithashtu ai tregoi se është kërkuar një verifikim i pamjeve filmike nga disa subjekte politike që kërkojnë të shohin numërimin e votave.
