Ministrat e jashtëm të Bashkimit Evropian thirrën të martën për një armëpushim midis Izraelit dhe grupit islamik palestinez Hamas dhe rritën ndihmën humanitare për Gaza-n, por dështuan të arrijnë unanimitetin që mund t’i japë BE-së drejtimin në paqeruajtje.
Hungaria, aleati më i afërt i Izraelit në bllok, nuk pranoi të bashkohej me 26 ministrat e tjerë të jashtëm në thirrjen e një armëpushimi në një vdeio-call, të thirrur nga shefi i politikës së jashtme të BE Josep Borrell.
Sidoqoftë, ministrat e tjerë u zotuan se BE do të përpiqet të rifillojë procesin e paqes së bashku me Shtetet e Bashkuara, Rusinë dhe Kombet e Bashkuara.
“Si minimum ne mund të përpiqemi të marrim një armëpushim, pastaj të sigurojmë ndihmë humanitare dhe pastaj të shohim se çfarë mund të bëhet për të rifilluar procesin e paqes në Lindjen e Mesme për të adresuar shkaqet themelore të dhunës”, tha Ministri i Jashtëm Maltez Evarist Bartolo për Reuters.
“Ne nuk mund t’i lejojmë ekstremistët në të dy palët të luftojnë me njëri-tjetrin dhe të përcaktojnë agjendën,” tha ai.
Ministri i Jashtëm Francez Jean-Yves Le Drian u tha gazetarëve në Paris se kuarteti i Lindjes së Mesme të ndërmjetësuesve, i përbërë nga BE, Rusia, Kombet e Bashkuara dhe Shtetet e Bashkuara, ishte forumi i duhur për të shtyrë për rinisjen e procesit të paqes Izraelo-Palestinez , e cila është në rrezik prej vitit 2014.
“Ne duhet të rinisim procesin e paqes sa më shpejt të jetë e mundur dhe të gjejmë një rrugë për dialog,” tha ai.
