Çështja kryesore e diskutuar sot në Evropë është dalja e Britanisë së Madhe nga Bashkimi Evropian.
Duke qenë se është një temë e nxehtë e cila prek të dyja palët është përpjekur që të tregohet kujdes, mirëpo mesa duket durimit të BE-së është duke i ardhur fundit.
Ditën e sotme, komisioneri evropian për Çështjet Ekonomike dhe Financiare, Pierre Moscovici ka folur hapur duke thënë se tashmë BE ndodhet përballë situatës ku është rritur rreziku i ndarjes pa marrëveshje më 12 prill.
Në një konferencë për mediat për përgatitjen e doganave për Brexit-in, komisioneri ka thënë kështu:
“Ne kemi bërë shumë përpjekje për të siguruar ndarje të rregullt. Por, kemi përfunduar përgatitjet tona për çdo mundësi. Ndodhemi përballë një siutate ku është rritur rreziku i ndarjes pa një marrëveshje më 12 prill”.
Gjithsesi duket se nuk është aq e thjeshtë sa duket edhe për Bashkimin Evropian, pasi në fjalën e tij, komisioneri duket se ndien keqardhje për ndarjen e Britanisë. Për më tepër sipas tij ajo që tërheq vëmendjen kryesore janë doganat dhe ndikimi që do jetë në do nëse Britania largohet pa marrëveshje.
“Nëse bëhet ndarja pa marrëveshje Britania nga pikëpamja e BE-së në një ditë do të ndodhet në situatën e vendit të tretë. Ky është një ndryshim i rëndësishëm. Kjo situatë do të ketë ndikime të konsiderueshme në doganat dhe tatimet mes BE-së dhe Britanisë”.
“Të gjitha produktet që do të vijnë nga Britania në vendet e BE-së do të jenë subjekt i rregullave doganore të Unionit dhe menjëherë do të fillojnë kontrollet dhe inspektimet doganore në tregtinë reciproke”, tha Moscovici duke shtuar se kompanitë evropiane me qëllim që të bëjnë tregti të pandërprerë me Britaninë duhet të plotësojnë dokumentet e tyre të eksportit dhe importit dhe se do të zbatohen taksat e ndryshme për të gjitha produktet që do të importohen nga Britania.
