Ditën e sotme Komisioni Europian ka miratuar certifikatën digjitale për Shqipërinë dhe 6 vende të tjera jo anëtare të BE. Menjëherë pas këtij vendimi ka reaguar edhe kryeministri i vendit Edi Rama.
Me anë të një postimi në rrjetet sociale Rama shkruan se shqiptarët tashmë mund të lëvizin lirisht në Evropë me pasaportën digjitale të vaksinimit. Rama ka shkruara ndër të tjera se ky është shembulli kuptimplotë i progresit tonë digjital.
“Super lajm
Shqiptarët të lirë të lëvizin lirisht në Europë me pasaportën digjitale të vaksinimit.
BE aprovon Shqipërinë, Izraelin dhe Marokun, duke dhënë edhe një shembull kuptimplotë të progresit tonë digjital, për të gjithë ata që dëshirojnë t’u gëzohen edhe arritjeve, përveçse të shohin vetëm të këqija deri edhe ku nuk ka.
#ShqipëriaeArdhmjaJonë
#RevolucioniDigjital”, shkruan kryeministri Edi Rama në rrjetet sociale.
Kujtojmë se Komisioni Europian ka miratuar certifikatën digjitale të vaksinimit për Shqipërinë dhe 6 vende të tjera të cilat nuk janë pjesë e Bashkimit Europian
Ky vendim bën që qytetarët shqiptarë të mund të lëvizin lirisht në kufijtë e BE-së, duke treguar vetëm certifikatën e vaksinimit me një nga vaksinat e miratuara nga EMA.
Vendet të cilat përfituan certifikatën e vaksinimit së bashku me Shqipërinë janë Andorra, Ishujt Faroe, Izraeli, Monako, Maroku dhe Panamaja.
