Kryeministri Rama ka mbërritur në Kukës ku u prit me protesta nga banorët e zonës duke bllokuar rrugën në afërsi të Drinit të Zi.
Në mes të diskutimeve me banorët e këtij qyteti ai preku si pikë diskutimi dhe hapjen e aeroportit të Kukësit, i cili pritet të përurohet në nëntor të 2019-ës.
Ndër të tjera ai nuk kurseu dhe batutat në lidhje me të, duke u shprehur se “çunat e Londrës” tanimë mund të vijnë më shpejt në vendlindje.
“Kur shkoj në Vlorë, acarohen kuksianët. Kur vij këtu acarohen ata, por ne do t’i bëjmë të dyja aeroportet. Aeroporti këtu do të jetë një aeroport për fluturime Low Coast.
Vendi është shumë strategjik, përmbledh një pellg shqiptarësh këtej dhe andej kufrit dhe i jep mundësi çunave të Londrës të vijnë me shumë pak paund këtu.
Shumica do vijnë për punë e halle, ka edhe ca që do vijnë për protesta, por s’ka rëndësi.
Punimet civile këtu do të përfundojnë brenda një viti.”- u shpreh kryeminsitri Edi Rama.
