Indrit Çelaj, teknik kondicionerësh, u vra më 23 gusht të vitit të 2019, pas një sherri me dy djemtë e pronarit të një vile ku po punonte në Tiranë.
Shkak është bërë një konflikti banal për rrjedhjen e ujit nga tubi i kondicionerit, pasi Griseldo Kusi, i biri i pronarit, e qëlloi Çelajn me plumb në kokë duke i shkaktuar vdekjen.
Më pas, dyshohet se së bashku me vëllain, Albano Kusi dhe dy shokë, ata u munduan të fshehin dhe manipulojnë ngjarjen e rëndë, duke u përpjekur që t’ja hidhnin fajin kolegut të të riut.
Mirëpo, së fundmi, Albano Kusi është liruar nga burgu pasi Gjykata e Apelit në Tiranë ka vendosur që të lëjë në ‘arrest shtëpie’.
Ky vendim vjen pasi Kusi qëndroi 4 muaj në burg dhe duket se ka përfituar nga hapësirat ligjore që janë krijuar për shkak të koronavirusit në vend, duke fituar lirinë edhe pse akuzohej për ‘moskallëzim krimi’.
Kujtojmë se 28-vjeçari u vetëdorëzua në Polici pas kontrolleve të shumta dhe negociatave që u bënë asokohe me avokatin e tij dhe sipas Prokurorisë, ai ka vrarë bashkë me të vëllanë, ndërsa sipas dëshmisë së tij, Kusi pretendon se vëllai pasi ka kryer krimin e ka marrë në telefon dhe i kishte treguar ngjarjen.
Albano pretendon se në momentet kur ka ndodhur ngjarja kishte qënë me të fejuarën e tij.
Disa ditë më parë, 600 të burgosur kanë përfituar nga akti normativ i nxjerrë nga qeveria për t’u karantinuar në shtëpi, por nëse konstatohen në shkelje të rregullave kundër COVID-19 do t’u shtohet dënimi.
