Ndihmës sekretari amerikan i Shtetit për Evropën dhe Euroazinë, James O’Brien, në Samitin e Kotorit, u shpreh optimist për progresin e vendeve të Ballkanit Perëndimor drejt integrimit në BE.
Ai theksoi se bashkëpunimi mes vendeve ndihmon në zgjidhjen e problemeve politike, duke thënë: “Sa më shumë të bashkëpunojmë, aq më pak luftojmë.”
“SHBA kanë dashur prej kohësh ta shohin Evropën të bashkuar dhe me një ekonomi të lirë. Ballkani po bën përparime në këtë drejtim, dhe është në interesin tonë të përbashkët,” tha O’Brien. Ai shtoi se një treg i përbashkët rajonal dhe akses në tregun e BE-së do të sjellë përfitime për të gjithë rajonin. “Këto përpjekje do të ndihmojnë fuqinë punëtore dhe produktet të lëvizin më lirë dhe më lehtë, duke reduktuar shpenzimet,” shtoi ai. “Nëse bashkëpunojmë, do të shohim përfitime ekonomike dhe lehtësim të problemeve politike,” përfundoi O’Brien.
