Kreu i Partisë Demokratike, Lulzim Basha ka mbajtur një takim me kandidatët për deputetë në selinë blu. Mësohet se gjatë këtij takimi, Basha i ka falenderuar kandidatët, duke thënë se ata kanë punuar fort për demokracinë e vendit. Ndër të tjera basha ka thënë se fushata e PD nuk ka mbaruar Akoma dhe se do të vazhdojë me energji maksimale. Ai i ftoi gjithahstu deputetët e ardhshëm që të takojnë njerëz në terren për t’i falenderuar e për t’i dëgjuar.
“Dua të falenderoj secilin nga ju. Ju keni punuar shumë fort me besimin e palëkundur në rrugën tonë, në demokracinë tonë, në vendin tonë. Pavarësisht vjedhjes më të madhe të votave në historinë e Shqipërisë të kryer nga Rama-Doshi, ne sollëm një arritje të madhe për partinë tonë dhe për vendin tonë. Ne, pa hequr dorë nga vlerat tona, u bëmë më të fortë kudo. Tani do të luftojmë me të gjitha fuqinë tonë derisa në fitore. Fushata jonë nuk ka mbaruar, ajo vazhdon me energji maksimale. Unë do takoj njerëzit në terren, për t’i falënderuar, për të biseduar me ta, për t’i dëgjuar, duke ju kërkoj që edhe ju të bëni të njëjtën gjë në ditët në vijim. Së bashku do të fitojmë!”, tha Basha.
