Sot para protestuesve Lulzim Basha deklaroi se verdikti i populli sovran “Rama ik!” buçet prej 4 javësh.
Sipas tij populli e ka marrë vendimin duke e cilësuar Kuvendin e Shqipërisë, karantinë e kolerës së krimit të korrupsionit.
“Është ora të cilën shqiptarët e kanë ëndërruar. Ora e bekuar e shpresës, ora e bekuar e besimit tek vetja jonë, tek familjet tona, tek vlerat më të mira të shqiptarit ora e besimit në të madhin Zot se Shqipërinë…
Thundra e krimit e babëzisë, e hajnisë, thundra e korrupsioni, e perversitetit, e mashtrimit me fytyrën dhe gojën e Edi Ramës shkeli mbi dinjitetin e çdo shqiptari, gegë e toskë, myslimanë e të krishterë. Ora e tij ka mbaruar. Nga ky shesh buçet tash 4 javë verdikti i popullit sovran Rama ik!
Sovrani e ka marrë vendimin dhe minjtë e krimit dhe korrupsionit e kanë kuptuar fare mirë, prej javësh ajo godinë nuk është më godina e Kuvendit të Shqipërisë, por karantina e kolerës së krimit dhe korrupsionit”, deklaroi Basha.
