PD nuk ndalon akuzat ndaj Ramës dhe qeverisjes së tij, por është duke i thelluar ato edhe më shumë.
Nga foltorja e Kuvendit, Basha e ka sulmuar edhe një herë qeverinë më atë që është duke bërë me buxhetin e akorduar për arsimin.
Sipas Bashës një student në universitet u nevojiten 15 milionë lekë për të realizuar ciklin e shkollimit, gjë që sipas tyre për familjet shqiptare është një shifër e konsiderueshme. Megjithatë kreu i PD nuk u ndal me kaq, por bëri me dije se opozita tashmë e ka gati platformën për Arsimin e Lartë.
“Të dashur qytetarë gjithsecili prej jush e di ça do të thotë të çosh një fëmijë student. Kostoja mesatare është 25 mijë. Për konvikt e ushqim 220 mijë, për transport dhe urban, 25 mijë. Për tre vite bachelor dhe dy vite master një familje shqiptare duhet të shpenzojë 15 mln lekë të vjetra. Që të mundësojë shpenzimet për një fëmijë të vetëm në universitet familja duhet të kursej 72 mijë lekë të vjetra në muaj. Këto janë shifra, por janë më shumë sesa shifra. Janë të gërvishtura në xhepat e tyre të boshatisura dhe në tavolinat e tyre të zbrazura. Të çosh sot një fëmijë në universitet është e papërballueshme. Propozimet e PD për zgjidhjen e kësaj krize të shkaktuar nga krimi korruptiv; së pari; fasha e studenteve që vinë nga familje poshtë 640 mijë lekë në muaj, të përfitojnë nga tarifat e arsimit të lartë. Efekti buxhetor do të jetë afër 6 mln dollar. Fasha e dytë janë ato familje me mbi 640 mijë lekë me të ardhura në muaj. 18 mln dollarë Edi Rama i ka paraqitur në buxhetin e shtetit për shpenzimet e luksit. Dyfishimi i buxhetit nuk mjafton, pasi duhet një reformë e thellë. PD ka një platformë që do ta diskutojë me pedagogët dhe studentët. Para ka por i duan për vete”, tha Basha.
Studentët prej ditësh tashmë janë duke protestuar për kushtet jo të mira në të cilat arsimohen dhe jetojnë.
