Kreu demokrat, Lulzim Basha ka vizituar dy familje në Bathore të Kamzës për t’u njohur me problemet e tyre.
Në videon e postuar nga kryedemokrati, kryefamiljari Ramadan Allaraj tregon se jeton në shtëpinë e vajzës, bashkë me bashkëshorten dhe vajzën tjetër invalide, sepse shtëpia e tyre u bë e pajetueshme pas tërmetit. Ai ka thënë se vajzës së tij i kanë hequr 100 mijë lekë pension dhe tani merr vetëm 70 mijë. Allaraj ka thënë se ka qenë anëtar i Partisë Socialiste, por tashmë e ka humbur besimin dhe nuk do e votojë sërish.
Ndërkohë, kryefamiljari tjetër, Sefer Tanushi ka treguar se merr një pension prej 62 mijë lekësh të vjetra ndërsa shtëpia i është bërë e pabanueshme nga tërmeti dhe askush nuka ka shkuar ta shoh.
Basha ka deklaruar se do të dyfishojë ndihmën ekonomike për familjet në nevojë dhe do të vendosë një çmim minimal për energjinë elektrike. Ai gjithahtu ka thënë se do të bëhet rimbursimi i ilaçeve sipas diagnozës.
“Këto halle janë bërë kapicë. Edhe pa qenë pandemia, edhe pa qenë tërmeti, pandemia, kanë qenë kapicë. Se 8 vite nuk është kujtuar një ditë për njerëzit. Tani ju thatë në dorë të zotit dhe në dorë të zotit jemi të gjithë por me 25 prill është veç në dorën tuaj. Ajo është dita kur ju e keni në dorë. Ose për të vazhduar edhe katër vite siç tha Seferi ose me e ndryshuar. Tani ne kemi ardhur tek ju jo thjeshtë për të kërkuar votën as për të premtuar kur vjen fjala te familjet në nevojë ekonomike. Ne çfarë kemi hartuar si plan, e para është me e përmbledhur me një fjali, asnjë familje pa bukë, pa ujë, pa drita. Çfarë domethënë kjo? Dyfishim i ndihmës ekonomike. 300 kw/h për muaj me çmim minimal dhe për familjet që janë në nevojë ekonomike, ndihmë ekonomike, pagesa merret përsipër nga shteti. E treta, që lidhet drejtpërdrejt me një nga kostot më të mëdha që ka mosha e tretë që janë ilaçet. Rimbursimi i ilaçeve do të bëhet sipas diagnozës. I ka mundësitë shteti t’i përballojë këto kosto. Pra, nuk është çështje që nuk ka lekë, s’ka patur vullnet, s’ka pasur vëmendje, s’ka pasur dëshirë për t’ju ndihmuar. Me 25 prill, me planin tonë kjo ndryshon. Ka vetëm një mundësi për ndryshim dhe ndryshimi është jetik për Shqipërinë, ndryshimi është jetik për Shqipërinë. E vetmja mundësi për ndryshim është të shkoni të votoni numrin 9, të votoni Partinë Demokratike, Aleancën për Ndryshim dhe programin tonë”, tha Basha.
https://www.facebook.com/lulzimbasha.al/videos/474719923946618/
