Kreu i Partisë Demokratike, Lulzim Basha, ka përcjellë një video-mesazh ku i kërkon shqiptarëve të bashkohen me të për të futur Shqipërinë në Bashkimi Europian. Kryetari i PD-së thotë se u bë kohë pa një arritje të madhe për shqiptarët e Shqipërinë, dhe madje vendi është gati në familjen europiane, teksa lideri i opozitës garanton se e di si arrihet kjo gjë.
Ai beson se së bashku anëtarësimi i Shqipërisë në BE mund të bëhet realitet. “U bë shumë kohë pa një arritje të madhe për Shqipërinë dhe shqiptarët. Ne kemi gati vendin në familjen europiane. Ashtu siç punova fort për ta bërë realitet anëtarësimin e Shqipërisë në NATO dhe lëvizjen e lirë, është koha për të ecur të sigurt drejt anëtarësimit në BE. Unë e di si arrihet kjo, bashkë mund ta bëjmë realitet. Bashkohuni me mua”, u shpreh Lulzim Basha në video-mesazhin e tij.
Anëtarësimi i Shqipërisë në BE është një temë që është përfolur shpesh nga politikanët shqiptarë ndër vite, por deri më tani, mbetemi një ndër vendet e pakta që nuk jemi pjesë e Bashkimit Europian. Kreu i PD-së, Lulzim Basha, vazhdon sot fushatën e tij elektorale në qytetin e Kukësit, që njihet si një qytet i ngjyrosur blu.
https://www.facebook.com/166424440075412/videos/277428467226807
