Ndërsa ka vijuar takimin e radhës me studentë dhe pedagogë të Universitetit të Durrësit, kreu i PD-së i ftoi ata të marrin pjesë në protestën e 16 marsit.
Ai tha se protesta e studentëve solli më herën pranverën.
Basha ndërsa komentoi vendimin e disa deputetëve në listat e opozitës për pranimin e marrjes së mandatit të deputetit, tha se ata u shitën dhe blenë nga qeveria si të ishin bagëti.
“Protesta e studentëve solli më herën pranverën dhe i parapriu këtij zgjimi kombëtar dhe bashkimit të shqiptarëve që kanë marrë tashmë vendimin. Zot në shtëpinë e Shqiptarëve nuk do jenë më kriminelët, por do jenë vetë shqiptarët. Rama u kap në flagrancë duke vjedhur vota, ndërsa Vangjush Dako e ka vendin në burg. Dako u pasurua në kurriz të qytetarëve. A ka turp më të madh të trajtohen deputetët si bagëti. Shitblerja e deputetëve të rinj në Parlament u duk sikur ata të ishin bagëti”– tha Basha.
