Opozita e bashkuar e gjendur në një pozitë tashmë të vështirë për shkak të insistimit të faktorit ndërkombëtar, ka vendosur që të marrë një vendim.
Ditën e sotme kreu i PD-së ka mbledhur kryesinë e partisë për të marrë 3 vendime të rëndësishme dhe kryedemokrati Basha ka thënë se PD-ja mund të futet në zgjedhje vetëm pasi të jenë krijuar kushtet për zgjedhje të lira dhe të ndershme.
Sipas Bashës kjo është kërkesë bazë, pasi është vërtetuar tashmë që qeveria Rama ka pasur bashkëpunim me krimin.
“Situata aktuale politike në Shqipërisë, nuk mundëson standardet demokratike për zgjedhje të lira dhe të ndershme. Është provuar se Qeveria e Edi Ramës ka bashkëpunuar me krimin e organizuar për blerjen e votave”, ka thënë Basha.
Gjithashtu kryedemokrati është zotuar se nëse nuk plotësohen këto kushte, PD-ja nuk ka për të lejuar të mbahen zgjedhje që shkatërrojnë demokracinë.
Një tjetër propozim me rëndësia ka ardhur nga Basha, ku ka kërkuar mandatimin e kryetarit të partisë dhe Sekretarit të Përgjithshëm për negocimin me partitë politike për arritjen e një marrëveshjeje në mbrojte të intersit publik.
