Kreu i Partisë Demokratike, Lulzim Basha ka dalë para selisë blu për të mbajtur fjalimin e parë pas humbjes së zgjedhjeve. Basha ka thënë se beteja për demokraci ka vijuar çdo ditë, por këto zgjedhje nuk kishin të bënin me demokracinë. Kreydemokrati u shpreh se Rama bashkëpunon me përfaqësues të krimit si Tom Doshi, por sërish PD është më e vendosur se kurrë e nuk do të dorëzohet.
“Muzgu i kësaj mbrëmje po bie mbi male, një tjetër hije po avitet në mendie dhe zemra. A është muzgu i shpresës për shqipërinë demokratike dhe normale? Kemi shumë vite që luftojmë për demokraci por ja dolëm se jemi njerëz të fortë dhe besojmë tek demokraci. Beteja për demokraci ka vijuar çdo ditë. Unë besova se falë fuqisë do ta fitonim dhe do t’ja kthenim demokracinë. Këto zgjedhje nuk kishin të bënin për demokracinë. U shkatërrua Kodi Zgjedhor dhe Kushtetuta. Numri më i madh i votave të pavlefshme. Miliona euro të hedhura për të blerë vota.Vodhën të dhënatm përdorën kriminelët dhe bandat, duke e bërë edhe më të madhe masakrën. Rama bashkëpunon me përfaqësues të krimit si Tom Doshi. Pavarësisht kësaj ne sollëm një arritje të madhe për demokracinë në Shqipëri. Ne jemi më të vendosur se kurrë kushdo që mendon se do të dorëzohemi nuk na njeh mire”, tha Basha.
