Kreu i Partisë Demokratike Lulzim Basha ka reaguar pas deklaratës së fundit të kryeministrit Rama për një mbyllje të dytë të vendit nëse do të ketë rritje të numrit të personave të prekur nga COVID-19.
Me anë të një postimi në Twitter, Basha i rikujtoi kryeministrit propozimet e që Partia Demokratike bëri për testim masiv, mbrojtjen e personelit shëndetësor dhe mbylljen e call center-ave, propozime këto që nuk u morën parasysh nga Rama.
Basha gjithashtu deklaroi se edhe shqiptarët e kanë kuptuar që e keqja më e madhe e shëndetit dhe ekonomisë së shqiptarëve është:RAMAVIRUSI
“Nëse Rama do të kishte bërë testime si në çdo vend tjetër, ne do ta dinim ku dhe si po përhapet koronavirusi. E kam ngritur këtë çështje me qindra herë, javë pas jave duke nënvizuar se testimi është element shumë i rëndësishëm edhe për strategjinë e daljes. I kërkova të mbrojë mjekët dhe personelin në spitalet e qendrat shendetesore, të mbyllë fasoneritë dhe call centers si vatrat më të mëdha që rrezikonin infektimin masiv, siç dhe ndodhi. Po ai nuk bëri asgjë. Propozuam edhe planin për një dalje sa më të lehtë për njerëzit nga karantina, pa rrezikuar shëndetin e tyre dhe duke mbështetur njerëzit në nevojë dhe ekonominë. Sepse shëndeti i qytetareve dhe ekonomia janë prioriteti absolut. ..dhe jo të siguronte testimet e duhura apo të mbështeste qytetarët në vështirësi dhe ekonominë në krizë të thellë. Sot të gjithë shqiptarët e kanë kuptuar se kërcënimi më i madh për shëndetin e tyre dhe për ekonominë e tyre është RAMAVIRUSI: ai është e keqja e vendit.”
