Trajneri i Kombëtares, Sylvinho u shpreh i keqardhur për humbjen ndaj Gjeorgjisë. Në deklaratën e tij pas ndeshjez, braziliani theksoi se për mënyrën se si shkoi takimi, barazimi do të ishte rezultati më i drejtë.
“Ishin ndeshje të ndryshme, kjo ndaj Gjeorgjisë dhe ajo ndaj Ukrainës. I jap komplimentat e mia Gjeorgjisë. Barazimi do ishte rezultati i duhur, pasi luajtëm njëlloj. Pas golit të tyre, ndryshoi çdo gjë.
Mungesat e Brojës e Dakut penalizuan në sulm?
Për fat të keq humbëm me 1 gol. I komplimentoj lojtarët pasi bënë maksimumin. Nuk kam ankesa për futbollistët. Grupi është i ekuilibruar me kundërshtarë të vështirë.
Jam i lumtur me ekipin që kam në dispozicion, nga 24 lojtar nuk i aktivizoj dot të gjithë. Me Asllanin jam shumë i kënaqur, ka bërë një paraqitje të mirë.
Gjeorgjia është ekip i mirë fizikisht dhe taktikisht. Jam i kënaqur me Hoxhën. E morën në miqësore dhe Europian ku e meritoi të ishte. I dëgjoj shpesh këto pyetje për lojtarët, por secili ka një rritje natyrale.
Objektivi konkret?
Objektivi është të ecim para, të luajmë mirë e të ecim sa më shumë. Morëm një fitore në fillim ndaj Ukrainës, këtë herë fatkeqsisht jo. Duam të luajm në tetor për të kaluar grupin e në nëntor ta mbyllim më së miri.
A duhej Ernest Muçi përballë një ekipi si Gjeorgjia?
Në vend të kujt duhet ta merja? Ai është i fortë dhe i rëndësishëm. Lojtarët kanë nevojë për kohë kur ndryshojnë ligën, ai luan te Beshiktas dhe shpresoj të bëj më të mirën për ato dhe për ne”, tha Sylvinho.
