Banorët e fshatit Rrjoll në Velipojë po zhvillojnë një protestë para Prokurorisë së Posaçme, duke kundërshtuar ndërtimin e një resorti turistik në zonën e tyre.
Ata shprehen se po u grabiten pronat, të cilat i kanë trashëguar nga paraardhësit e tyre. Rreth 60 familje kërkojnë ndalimin e punimeve, duke theksuar se kjo nuk është hera e parë që protestojnë.
Sipas banorëve, 95 mijë metra katrorë tokë në breg të detit janë pronë e tyre që nga viti 1936, dhe kjo pronë ka një gjatësi prej 4 kilometrash, ngjitur me brezin rënor.
