Po bëhet gati 1 vit nga tërmeti i nëntorit, dhe shtëpitë e dëmtuara ende nuk janë rindërtuar.
Banorët e Krujës ditën e sotme kanë dalë në protestë, sepse Edi Rama u kishte premtuar se shtëpitë do rindërtoheshin deri në nëntor, por sipas tyre ende nuk ka filluar shembja, e jo më rindërtimi.
‘’Na u premtua që do kishim banesat e reja deri në nëntor. Asnjë banesë akoma s’është shembur për t’u rindërtuar’’- thanë banorët.
Kruja është një prej bashkive më të goditura nga tërmeti i 26 nëntorit, ku qindra familje humbën shtëpitë.
Në një vendim të korrikut, qeveria ka alokuar 2 milionë euro për rindërtimin në Krujë, por ende nuk ka nisur puna për ndërtimin e shtëpive dhe infrastrukturës shoqëruese.
/GazetaReforma.com/
