Ministrja Belinda Balluku kërkon ta mbushë Karaburunin me impiante ere për prodhim energjie. Me nxitim, përpara zgjedhjeve, ajo i kanë dhënë udhë edhe ndërtimit të dy parqeve të prodhimit të energjisë me erë. Me kokëfortësinë që e dikton korrupsioni, Balluku ka firmosur lejen paraprake për dy aplikimeve vetëm disa ditë para se të miratohej studimi i financuar nga BERZH mbi vendet ku lejohet të ngrihen parqe eolike.
Kush janë aplikimet?
Si zakonisht, këto lloj aplikimesh bëhen pa zhurmë. Kështu, Ministria e Infrastrukturës dhe Energjisë ka pranuar dy projekte të cilat i ka njoftuar për publikun më më 16 dhjetor 2020. Ajo u ka dhënë tashmë lejet paraprake dy subjekteve që kërkojnë të ngrenë helikat gjigante mbi Karaburun.
Shoqëria “NIKOLICA SKI RESORT” sh.p.k. ka shprehur interesin dhe ka paraqitur pranë Ministrisë se Infrastrukturës dhe Energjisë, aplikimin për ndërtimin e një impianti eolik për prodhimin e energjisë nga burime të rinovueshme, me kapacitet 3 MË, në zonën e Karaburunit, Qarku Vlorë.
Po ashtu, shoqëria tjetër, “RENEË POWER ALBANIA” Sh.p.k. ka shprehur interesin dhe ka paraqitur pranë Ministrisë se Infrastrukturës dhe Energjisë, aplikimin për ndërtimin e një impianti eolik për prodhimin e energjisë nga burime të rinovueshme, me kapacitet 3 MË, në zonën e Karaburunit, Qarku Vlorë.
Studimi i BERZH-it dhe nxitimi i Ballukut
Një studim mbi përshtatshmërinë e zonave të mundshme për zhvillimin e projekteve të erës në Shqipëri, i komisionuar nga Banka Europiane për Rindërtim dhe Zhvillim (BERZH), sapo është dorëzuar në Ministrinë e Infrastrukturës dhe Energjisë. Studimi konkludon se 20% e territorit të vendit, rreth 350,000 ha, rezulton e qëndrueshme për zhvillimin e paneleve të erës. Zonat e mbrojtura janë përjashtuar dhe fizibiliteti i paneleve eolike (të erës) në territore me ndjeshmëri të larta mjedisore vlerësohet me qëndrueshmëri të ulët.
Por ministrja Balluku, vetëm pak ditë përpara publikimit të tij, miratoi ndërtimin e dy paneleve të reja të erës, brenda Rezervatit Natyror të Menaxhuar të Karaburunit. Deri tani në Karaburun, autoritetet kanë miratuar kapacitete gjeneruese me fuqi të instaluar 20 MW (2019).
Zona e konsideruar e përshtatshme nga investitorët për vendosjen e turbinave të erës është një sipërfaqe prej rreth 450 mijë metra katrorë në gadishullin e Karaburunit në Vlorë. Kapaciteti i instaluar propozohet të jetë secili impiant nga 10 MW.
Ankandi për parqet eolike
Pasi mbaroi punë me lumenjtë duke mbushur vendin me HEC-të vogla, qeveria në korrik të 2019-s, miratoi një plan të ri. Si nevojë edhe për diversifikimin e burimeve të energjisë, plani parashikoi mbështetjen e prodhimit të energjisë së rinovueshme nga era, me një volum, të paktën prej 150 MË-ësh. Kësisoj, kompanive të interesuara do t’u garantohet blerja e prodhimit deri në 3 MË, për një periudhe 15-vjeçare.
Ministria ka hapur një ankand dhe kompanitë e interesuara mund të bëjnë propozimet sipas vendeve të kejuara për parqe eolike nga studimi ndërkombëtar “Development of Ëind Poëer Projects in Albania. Ëind Siting Study”, i realizuar nga shoqëria Golder Associates.
Parku i Karaburunit
Karaburuni, gadishulli i vetëm i vendit, i pozicionuar në kategorinë IV të klasifikimit, sipas standardeve të Organizatës Ndërkombëtare të Konservimit të Natyrës (IUCN), është zonë natyrore e mbrojtur, nën statusin e “Rezervat Natyror i Menaxhuar”. Ndërtimi impianteve të prodhimit të energjisë brenda zonave të mbrojtura nuk përputhet me objektivat e mbrojtjes se mjedisit.
Karaburuni u shpall zonë me rëndësi kombëtare, i vlerësuar për potencialin turistik në dobi të vendit. Kufiri i tij parashikohet të zgjerohet me Lagunën e Orikumit, si dhe me një pjesë tjetër, në faqen perëndimore të Malit të Çikës, mbi Llogara. Gjeografikisht, ai është pozicionuar në rrugëkalimin e Adriatikut Lindor, i njohur si korridor shtegtimi për shpendët migratorë, duke qenë, njëkohësisht, i klasifikuar një zonë e rëndësishme për shpendët (IBA). /Gazetareforma.com/
