Këtë të premte, Ministri i Brendshëm, Taulant Balla, organizoi një takim me strukturat drejtuese të Drejtorisë Vendore të Policisë në Vlorë.
Gjatë këtij takimi, Ministri Balla ka vënë theksin tek mbështetja e qytetarëve në punën e policisë së shtetit, sipas tij qytetarët janë partnerët e paçmueshëm në detyrën e mbrojtjes së vendit dhe të çdo individ, duke kërkuar një reagim të menjëhershëm ndaj çdo veprimi të paligjshëm.
“Qytetarët janë arsyeja për ekzistencën e Policisë së Shtetit dhe njëkohësisht partnerët tanë të paçmueshëm në mbrojtjen e vendit dhe të çdo individ, nga krimet e organizuara deri te krimet e zakonshme, duke përfshirë ato kundër pronës publike dhe private. Mosdëgjimi dhe mosreagimi ndaj fortave të këqija në lagje dhe mospërgjigja ndaj denoncimeve të qytetarëve janë një vështirësi për Policinë, por njëherazi edhe një sfidë për shtetin. Prandaj, ju lutem, duam reagime të menjëhershme nga ju,” tha Balla.
Gjithashtu, Ministri Balla kërkoi nga strukturat e Policisë të sigurojnë bregdetin e sigurtë për pushuesit që vijnë me mjete lundruese. Kujtojëm se Taulant Balla u zgjodh në krye të ministrisë së Brendshme pak ditë më parë, pasi kryeministri Rama shkarkoi Bledi Çuçin pas ngjarjes në Borizanë, ku u dhunuan barbarisht dy qytetarë nga fisi Rraja për shkak të një guroreje.
