Tiranë: Në konferencën e sapo filluar të INTERPOL-it për Europën, z. Balla bëri një sërë deklaratash duke theksuar angazhimin dhe progresin e Shqipërisë në fushën e sigurisë dhe turizmit. Duke u shprehur për herë të parë që Shqipëria drejton një event të këtij niveli të INTERPOL-it, ai përmendi se vendi ka pritur një numër rekord turistësh vitin e kaluar, me më shumë se 10 milionë vizitorë. Balla shpreson se ky numër do të rritet me rreth 40% në vitin 2024.
Ai gjithashtu theksoi angazhimin e vendit si partner i besuar në INTERPOL, duke u përqëndruar në sfidat që paraqesin krimet kibernetike dhe drogërat sintetike, të cilat janë bërë një problem serioz në nivel global. Balla përmendi se këto droga janë shkaktari kryesor i vdekjeve në SHBA, duke shtuar se Shqipëria ka ndërmarrë masa për të luftuar përdorimin e tyre. Ndërsa përfaqësuesit e lartë të INTERPOL-it dhe vendet anëtare po diskutojnë masat e reja, ai uroi të gjithë pjesëmarrësit të shijojnë mikpritjen dhe bukuritë natyrore që ofron Shqipëria.
“Shqipëria me të gjitha ndjesitë, shijet e mikpritjen por edhe sigurinë publike. Uroj që të gjeni kohë të shijoni bukur të mesdhetare që janë të veçanta, plazhet blu dhe trashëgimitë kulturore të Unesco-s.
Është hera e parë që Shqipëria drejton një event të INTERPOL-it të këtij niveli. Të ftuarit që mund të kenë vizituar Shqipëria dekada më parë, me siguri janë të mahnitur nga ndryshimi që vendi ynë ka bërë.Vitin e fundit më shumë se 10 mln turistë vizituan Shqipërinë. Rekord ky i të gjitha kohërave. Gjithsesi presim që ky numër të tejkalohet në 2024 me rreth 40 përqind. Shqipëria është fuqimisht e angazhuar në INTERPOL dhe partnere e besuar. Sot kemi sfida në fushën e sigurisë dhe rendit publik. Krimet kibernetike nuk njohin kufi dhe duan një përgjigje të koordinuar. Drogërat sintetike janë vrasësi numër një i vrasjes së amerikaneve. Kemi vepruar kundër përdorimit të këtyre drogërave”, tha ai.
