Mëngjesin e sotëm kreu i Grupit Parlamentar të PS-së Taulant Balla ka zhvilluar një konferencë për shtyp urgjente ku ka deklaruar se vendi do të hyjë në zgjedhjet e 30 qershorit.
Ai është shprehur se presidenti Meta ka kërcënuar sovranin me anulimin e dekretit për zgjedhjet.
Sipas Ballës kanë filluar të gjitha procedurat për ngritjen e komisioneve për KZAZ-të, janë bërë gati fletët e votimit dhe janë përzgjedhur kandidatët.
Balla ka shtuar më tej se presidenti Meta i ka hequr sovranit të drejtën për të votuar, ndaj edhe sovrani është kërcënuar dhe kjo është shkelje flagrante e Kushtetutës.
“Në bazë të këtij dekreti është caktuar si mbajtje e zgjedhjeve data 30 qershor. Kanë filluar të gjithë procedurat për bërjen të mundur të gjitha procedurat. Janë ngritur komisionet për KZAZ-të, ka filluar fushata zgjedhore, është bërë fleta e votimit, janë përzgjedhur kandidatët.
Po vijon puna për zhvillimin e zgjedhjeve. Arsyet e Metës për anulimin e zgjedhjeve kanë të bëjnë me shqetësimin e Metës se do të ketë trazira. Në lidhje me shkeljet e Kushtetutës dekreti numër 11 mijë 199 bie në kundërshtim të hapur me Kushtetutën e vendit dhe funksionet e shtetit. Së pari është cënuar ushtrimi i sovranitetit nga populli. Sovraniteti në Republikën e Shqipërisë i përket popullit. Me dekretin numër 11 e 1199 të këtij viti Presidenti anuloi zgjedhjet, në këtë kuptim presidenti i ka hequr sovranit të drejtën për të votuar.
Është kërcënuar sovrani. Anulimi i dates së zgjedhjet të 30 qershor, humb të drejtën e sovranit. Kjo është shkelje flagrante e Kushtetutës, ” u shpreh Balla.
