Gjatë ditës së sotme ka ardhur një reagim nga kryetari i Grupit Parlamentar të Partisë Socialist, Taulant Balla.
Ky i fundit përmes rrjetit social Facebook, ka zgjedhur të saktësojë se të gjitha postimet dhe materialet që shpërndahen në adresën e tij në “Facebook” janë qëndrime të tij personale mbi ato çështje.
Kryetari i Grupit Parlamentar të Partisë Socialiste, Taulant Balla:
Përshëndetje, duke ju falënderuar që keni vendosur të ndiqni faqen time zyrtare në komunitetin e madh social online, më të madhin në fakt, Facebook, dëshiroj t’ju informoj se çdo postim përfaqëson vlerësimin ose qëndrimin tim personal mbi atë çështje. Faleminderit! Ndërkohë bazuar në këtë reagim të fundit të kryetarit të Grupit Parlamentar të Partisë Socialiste, nuk dihet ende se çfarë e ka shtyrë deputetin, Taulant Balla të postojë sot, një qëndrim të tillë.
Pak para këtij postimi, Balla ka uruar Krishtlindjet. Përmes një videomesazhi të shpërndarë në rrjetet sociale Facebook në prani të bashkëshortes së tij Iris, vajzës së vogël Melani dhe djalit të madh Robin, Taulant Balla uron të gjithë shqiptarët që të kenë vetëm shëndet dhe mbarësi në familjet e tyre. Kujtojmë se Taulant Balla është besimtar i fesë myslimane, ndërsa bashkëshortja e tij dhe fëmijët janë të krishterë.
