Pas vrasjes së 20-vjeçares Caroline, nga bashkëshorti i saj, Babis Anagnastopulos, të tjera detaje kanë dalë në dritë.
Sipas mediave greke, Caroline ishte në dijeni të tradhtisë së bashkëshortit, ndaj ky mund të jetë motivi i ngjarjes së rëndë.
Në janar të vitit 2021, Caroline i kishte thënë psikologes së saj se dyshonte që Babis kishte një lidhje paralele , sepse ai mungonte shpesh të dielave në shtëpi pa arsye.
Caroline kishte treguar se Babis Anagnostopoulos kishte dashuruar një vajzë në ambientin e tij të punës, por në vitin 2016 kur ishte lidhur me Carolinën ishte ndarë prej saj. Po ashtu, viktima ishte shprehur asokohe se mendonte që të merrte fëmijën dhe të largohej prej tij.
Miqtë e familjes së Babis Anagnostopoulos nga Alonissos, folën për ANT1 dhe i mëshuan faktit se nuk besojnë që ai kishte një lidhje paralele. Ata u shprehën se Babis: “ishte i pasionuar pas Caroline. Ai erdhi me helikopter në ishull vetëm për t’i sjellë asaj një buqetë me lule dhe nuk do të vriste një grua për një tjetër.”
Një tjetër shok i pilotit tha se: “Babis në moshën 23-vjeçare ka pasur një lidhje me një vajzë atëherë 16-vjeçare për një vit. Vajza thotë se ka qenë lidhja më e mirë që ka pasur ndonjëherë. Ai nuk ishte manipulues , përkundrazi ishte shumë i kujdesshëm. Nuk mund ta besojmë se ai mundi të vriste.”
Gjithashtu edhe një mikeshë e Caroline ka treguar më tepër detaje: “Vitin e kaluar Caroline ishte larguar nga ne ose Babis e kishte larguar ndoshta prej nesh dhe ne nuk morëm me vesh asgjë për të. Nëse Caroline do ta dinte për lidhjen jashtëmartesore të Babis, nuk do të bënte kompromis dhe nuk do rikthehej më me të. Ndoshta kjo është edhe arsyeja pse ajo donte ta linte atë.”
