Babë e bir përfunduan në prangat e policisë së Mirditës, pasi u kapën me armë zjarri.
Arrestimi i tyre u bë pas denoncimit nga një qytetar përmes një telefonate në orët e para të mëngjesit tek nr. 112, se 2 shtetas po lëviznin me armë zjarri në Reps.
Sipas njoftimit të policisë, I.SH. 50 vjeç dhe djalin e tij 16-vjeçar u kapën në flagrancë. Gjatë kontrollit u gjet 1 armë zjarri automatike, fishekë, si dhe 1 armë gjahu me fishekë.
Ata u arrestuan për veprat penale “Prodhim dhe mbajtje pa leje e armëve luftarake e municionit”, “Prodhim dhe mbajtje pa leje e armëve të gjahut dhe sportive, kryer në bashkëpunim” dhe materialet procedurale i kaluan Prokurorisë pranë Gjykatës Shkallës Parë Lezhë.
