Një tjetër sulm me thikë në kryeqytet. Babë e bir janë shpallur në kërkim nga policia, pasi akuzohen se gjatë mbrëmjes së djeshme të kenë qëlluar me thikë një shtetas 32-vjeçar. Sipas policisë, në kërkim janë G. B., 49-vjeç dhe S. B., 22-vjeç, sepse në rrugën “Haxhi Hysen Dalliu”, për motive të dobëta në bashkëpunim me njeri–tjetrin, kanë goditur me thikë E. K., 32-vjeç, i cili ndodhet në spital, nën kujdesin e mjekëve.
Njoftimi i policisë:
“Më datë 04.04.2021, u referuan materialet në Prokurorinë pranë Gjykatës së Shkallës së Parë Tiranë dhe punohet për kapjen e shtetasve (atë e bir), G. B., 49 vjeç dhe S. B., 22 vjeç, sepse në rrugën “Haxhi Hysen Dalliu”, për motive të dobëta në bashkëpunim me njeri–tjetrin, kanë goditur me mjet prerës shtetasin E. K., 32 vjeç, i cili ndodhet në spital, nën kujdesin e mjekëve”, shkruhej në njoftimin e policisë.
Kanë qenë të shumta rastet e sulmeve me thikë në kryeqytet ditët e fundit dhe Policia e Shtetit ka bërë arrestimin e disa shtetasve. Madje, gjëja më shqetësuese është motivi i këtyre sherreve, që në shumicën e rasteve është për motive të dobëta. Shtetasit G. B. dhe S. B., babë e bir, janë në kërkim nga Policia e Shtetit, që ka nisur të hetojë ngjarjen dhe sa më shpejt të lokalizojë dhe arrestojë dy personat që kanë kryer sulmin.
