Paraditen e sotme (e hënë) Gjykata e Posaçme Kundër Korrupsionit dhe Krimit të Organizuar ka lënë në burg kryebashkiakun e zgjedhur të Himarës Fredi Beleri.
Në seancën e mbajtur për zëvendësimin e masës së sigurisë, avokatët e tij kërkuan masë më të lehtë sigurie, por GJKKO e ka hedhur poshtë.
GJKKO-së iu kërkua zëvendësimi i arrestit me burg me një masë tjetër në liri, për t’i mundësuar Fredi Belerit betimin si kryebashkiak i zgjedhur nga qytetarët e Himarës.
Kujtojmë që Beleri mbahet në arrest prej 12 majit të këtij viti pasi u arrestua për blerjen e votave të 8 qytetarëve kundrejt 40 mijë lekëve.
Ndërkohë që vazhdimisht ka pasur presion nga pala greke ndaj Shqipërisë për lirimin e Fredi Belerit, duke përmendur se kjo do të ndikojë në marrëdhëniet politike midis dy evndeve dhe jo vetëm. Zyrtarë grek janë shprehur se në rast se Beleri nuk lirohet nga burgu, Greqia do të behet pengesë për anëtarësimine Shqipërisë në Bashkimin Europian.
Para një javë ne qendër të Himarës u zhvillua një protestë me një pjesëmarrje të uletë duhet theksuar, ku thirrja kryesore lidhej me lirimin e Fredi Belerit nga qelia. Po ashtu organizata minoritare greke ‘OMONIA’ i ka kërkuar kryeministrit Edi Rama me anë të një letre zyrtare që ta lirojë Belerin nga burgu aq kohë sa ai të ketë mundësi të betohet si kryebashkiaku i Himarës, bashki për të cilën u zgjodh në zgjedhjet lokale të 14 Majit 2023.
